Happycat მა გადაწყვიტა, რომ მარტო კატა იმდენად სასაცილო არ იყო და ამიტომ ქვეშ ინგლისურად წარწერაც მიამატა I can haz Cheezburger? (ჩიზბურგერს მაჭმევ?) განგებ დამტვრეული გრამატიკით და მართლწერით, თითქოს კატები ასე საუბრობენო…

ამ სურათმა უცებ მოიპოვა პოპულარობა და ინტერნეტში აქა-იქ გაიელვებდა ხოლმე, ინტერნეტის აქტიურმა მომხმარებლებმა დაიწყო სურათის საკუთარი ვერსიების შექმნა, საკუთარი სასაცილო წარწერებით, თან რაც მთავარია დამტვრეული ინგლისურით.

როგორც საერთოდ ხდება ხოლმე, ვერც იდეის ავტორი და ვერც კატების საკვების მწარმოებელი კომპანია ვერ მიხვდა ამ სურათის მთელ პოტენციალს, სამაგიეროდ ნიჭიერმა ბიზნესმენმა ერიკ ნაგაკავამ ერთ მშვენიერ დღეს აღმოაჩინა რომ ასეთი ტიპის სურათებს ერთად მოგროვებულს ვერცერთ საიტზე ვერ ნახავდით, ამიტომ მან და მისმა პარტნიორმა სასწრაფოდ დაარეგისტრირეს დომეინი http://icanhascheezburger.com და ინტერნეტ სივრცის ყველაზე პოპულარული ფენომენის ისტორიაც სწორედ აქედან იწყება.

I can has cheezburger?

“თავიდან არც ისე ბევრი სტუმარი გვყავდა” იხსენებს ნაგაკავა ”მაგრამ პოპულარობა იმდენად სწრაფად იზრდებოდა რომ სულ ახალ და ახალ საიტზე გადასვლა გვიწევდა, რადგან საიტები ვერ უმკლავდებოდა უზარმაზარ სტუმრების რაოდენობას”

საიტი ვითარდებოდა და ნებისმიერს შეეძლო მასზე სასაცილო ფისოების სურათების გამოგზავნა, სასაცილო აღწერითურთ, ოღონდ რათქმაუნდა დამტვრეული ინგლისურით.

პარტნიორებმა საიტი 2007 წელს საინვესტიციო კომპანიას მიყიდეს, ინვესტორები იხსენებენ: ”როდესაც ტელევიზორში გამოვაცხადეთ, რომ ფული ჩავდეთ საიტში სადაც ფისოების სურათებია და თან დამტვრეული ინგლისურით, ჩვენმა აქციონრებმა ადვოკატებთან დარეკვა დაიწყეს…”

ინვესტორებმა საიტში სულ 2 მილიონამდე გადაიხადეს და იმ დროისთვის საიტი უკვე თვეში 30 მილიონ ჩვენებას ითვლიდა. აქციონრებიც დაწყნარდნენ და ინვესტიციაც წარმატებული აღმოჩნდა.

2008 წლის მარტში საიტმა პოპულარობის პიკს მიაღწია, დღეში 5000 ზე მეტი სასაცილო ფისუნიას სურათს აგზავნიდა ერთგული მომხმარებელი, ამიტომ კომპანიამ დაიქირავა თანამშრომლები, მათი ერთადერთი მოვალეობა იყო – გადაერჩიათ სურათები და დღეში 7-8 საუკეთესო მათგანი საიტზე გამოექვეყნებინათ.

საიტს უკვე 800 000 ზე მეტი სასაცილო ფოტო აქვს მონაცემთა ბაზაში და გვერდის ჩვენებები მილიარდს

Proceed

უახლოვდება. ბიზნესმენები მიღწეულით არ დაკმაყოფილდნენ და კიდევ 6 შვილობილი საიტი გახსნეს, თითოეული მათგანი სხვადასხვა სასაცილო თემას ეხება.

LOLcat ის ფენომენმა კი საიტის დამოუკიდებლად დაიწყო განვითარება, დამტვრეული ინგლისური კატების ”ოფიციალურ ენად” გამოაცხადეს, ხუმრობით ამ ენაზე ბიბლიაც კი თარგმნეს

ჩამოყალიბდა LOLcat ების სხვადასხვა მიმართულებები, რამოდენიმე სხვა ფოტოც ძალიან პოპულარული გახდა, პოპულარული გახდა ახალი ტერმინიც: om nom nom nom ამ ერთი შეხედვით უაზრო სიტყვათა შეთანხმებით, ვითომდა ფისუნიების მიერ ჭამის დროს გამოცემული ხმა გამოისახება.

ფენომენმა პიკს მაშინ მიაღწია როდესაც გახალისებულმა ფისუნიების ფანებმა სპეციალური დღესასწაული გამოიგონეს: Caturday (კატშაბათი) ის შეიძლება ყოველდღე მოაწყოთ, რომელიმე საზოგადოების, ფორუმის, კლუბის ან სხვა ჯგუფის წევრები დათქვამენ ხოლმე კვირის დღეს და დათქმულ დროს, ყველა ერთმანეთს სასაცილო ფისუნიების სურათებს უგზავნიან ან პირდაპირ საიტებზე აქვეყნებენ.

om nom nom nom

ფისუნიას, რომლისგანაც ყველაფერი დაიწყო ფრენკი ერქვა, სამწუხაროდ მის შესახებ ბევრი არ არის ცნობილი, მან ეს სამყარო 2007 წლის ოქტომბერში დატოვა და ალბათ ახლა სამოთხეში მიირთმევს ჩიზბურგერებს. ამ ამბავმა ინტერნეტს შოკის ტალღად გადაუარა და ბევრი მისი ფანი ატირა, ალბათ ბევრი ადამიანი იოცნებებდა იმ პოპულარობაზე რასაც პუტკუნა და ლურჯმა ფისუნიამ მიაღწია.

ისტორია კი ნამდვილად ვირუსული მარკეტინგის და თვითონ Buzz effect ის მშვენიერი გაკვეთილია, კარგად ჩანს როგორ ვითარდება და იხვეწება აკვიატებული იდეა, როგორ ისწრაფვის ადამიანი გახდეს გარკვეული სოციალური ჯგუფების წევრი და ა.შ. ვფიქრობ, საინტერესო დასკვნებსაც გამოიტანთ.

ბოლო მონაცემებით, მთელი ინტერნეტის მასშტაბით დაგზავნილ ელ.ფოსტების 27% შეიცავს ერთ LOLcats მაინც.