მორიდეთ ისტორიულ სიუჟეტს, ის მხოლოდ ვისკის რეკლამირებისთვის გამოდგება და მეტი არაფრისთვის, ნუ გააფორმებთ რეკლამას ადამიანის სახის გადიდებული სურათით, ის დამთვალიერებლებს აშინებს. ეცადეთ რეკლამა მაქსიმალურად უბრალო იყოს და ფოკუსი მხოლოდ ერთ ადამიანზე კეთდებოდეს, გუნდური სცენები არ იზიდავს მომხმარებელს. სცადეთ მოერიდოთ სტერეოტიპულ ფოტოებს, არასდროს აჩვენოთ ფოტოზე წარმოების პროცესი, თუკი თავად მწარმოებელ დანადგარებს არ ყიდით რათქმაუნდა.

რეკლამის ნებისმიერ სფეროში ყოველთვის უფრო მნიშვნელოვანია თვითონ გაფორმება და არა მისი შესრულების ხარისხი!

1. ქვესათაურები, თითოეული სათაურის ქვეშ და ტექსტს შორის, ყოველთვის აღძრავს მადას მოახლოებული ტექსტის წაკითხვამდე
2. თუკი განცხადების ტექსტს დიდი ასოთი იწყებთ, კითხვადობას საშუალოდ 13% ით ზრდით
3. პირველი აბზაცი უნდა იყოს მაქსიმუმ 11 სიტყვიანი, დიდი აბზაცები აფრთხობს მკითხველს
4. დასაწყისიდან 3-4 დიუმის მერე, შემოიტანეთ პირველი ქვესათაური და ამის მერე რაც შეიძლება ხშირად გამოიყენეთ ის, თან ზოგიერთი კითხვით ფორმაში ჩამოაყალიბეთ.
5. მკითხველები მიჩვეულები არიან, გაზეთის ტიპის ვიწრო სვეტებად კითხვას, რაც უფრო ფართოა სვეტი, მით ნაკლები მკითხველი გეყოლებათ
6. ტექსტი რომელიც დაბეჭდილია მე9 პუნქტირზე დაბალი შრიფტის ზომით – ძნელად იკითხება უმეტესობა ადამიანებისთვის
7. ყველაზე უკეთ იკითხება მახვილბოლოებიანი შრიფტი
8. არ არის აუცილებელი თითოეული აბზაცი ამთავრებდეს აზრს, მაგრამ ბოლო აბზაცზე უნდა მთავრდებოდეს ძირითადი აზრი.
9. ეცადეთ მოერიდოთ ტექსტის მონოტონურობას, დროდადრო გაამუქეთ ან კურსივით დაბეჭდეთ მთავარი ტერმინები, ტექსტი, სიტყვები.
10. გააფორმეთ ილუსტრაციებით
11. გამოყავით აბზაცებიისრებით, ვარსკვლავებით.
12. თუკი უამრავი ფაქტი გაქვთ, რომელიც ერთმანეთთან კავშირში არ არის, არ სცადოთ მათი უხეშად დაკავშირება, არამედ უბრალოდ გაუკეთეთ ნუმერაცია, როგორც ამ წერილშია.
13. არასდროს განათავსოთ სარეკლამო ტექსტი ნეგატივში, ანუ არ დაბეჭდოთ შავ ფონზე თეთრი ასოებით, ადრე ფიქრობდნენ რომ ეს აუმჯობესებს კითხვადობას, ახლა კი ვიცით რომ ეს მეთოდი კითხვას შეუძლებელს ხდის.
14. თუ აბზაცებს შორის პუნქტირულ ხაზებს გამოიყენებთ, კითხვადობას კიდევ 12% ით გაზრდით.
15. არასდროს განათავსოთ თქვენი სათაური მთავარი სურათის თავზე, არამედ განათავსეთ ილუსტრაცია ზემოთ და სათაური ტექსტით – მის ქვეშ.

საერთოდ, ეცადეთ რედაქტორებს მიბაძოთ, რადგან მკითხველს კულტურას სწორედ ისინი უყალიბებენ.