თარიღი: 19,10,2008
როგორ გამოიყენა Coca-Cola – ამ სანტა-კლაუსი
ლეგენდარული სასმელის დაბადება
ჩვენი ისტორია 1885 წელს იწყება, სწორედ ამ დროს კოლუმბუსში, ჯორჯიის შტატში, ადგილობრივი აფთიაქის მეპატრონე ჯონ პემბერტონი კოკაინის ღვინის გამოყვანით იყო დაკავებული. მაშინ კოკაინი სულაც არ იყო აკრძალული და აშშ-ს მოსახლეობაც მას დასვენებისთვის მიმართავდა, უფრო მეტიც, კოკას ფოთლებზე დაყენებული ღვინოები დიდი წარმატებით სარგებლობდა, სწორედ ამ სახით დაიბადა კოკა-კოლას წინაპარი – ”პემბერტონის, კოკაინის ფრანგული ღვინო.”
როგორც უმეტესობა წარმატებული პროდუქტისა კოკა-კოლაც შემთხვევით დაიბადა, იმ წელს აშშ-ში მშრალი კანონი (ალკოჰოლის აკრძალვა) მიიღეს და ჯონმაც თავისი პროდუქტი უალკოჰოლო სასმელად გადააკეთა. ერთ დღესაც, როდესაც პემბერტონი და მისი მეგობრები ახალ სასმელს უკირკიტებდნენ შემთხვევით გაზიც დაამატა, ასე დაიბადა უალკოჰოლო, გაზიანი გამაგრილებელი სასმელი.
სახელი თავიდან Coca(კოკას მცენარე) – Kola (კოლას ნაყოფი) ერქვა, მაგრამ მერე K შეცვალეს C – ით, კოკა-კოლას ეკუთვნის სახელწოდება Coke რომელიც კოკა-კოლის მოკლე სახელიცაა და ჟარგონზე კოკაინსაც ნიშნავს.
ამის შემდგომ, პროდუქტის განვითარების ეტაპები მეტად ბურუსითაა მოცული, ჯონი მორფინმა გაიტაცა, შვილი გალოთდა, რეცეპტი ნელ-ნელა გაყიდა სხვადასხვა ბიზნესმენებზე, სულ ბოლოს გაყიდა უფლება Coca-cola ს სახელზეც, შემდგომ ერთმა ბიზნესმენმა The Coca-Cola Company ჩამოაყალიბა, რომელიც გაურკვეველი მიზეზებით დაიწვა დაარსების დოკუმენტაციასთან ერთად და ა.შ. თუმცა მისი ახალი მფლობელი, მისტერ კენდლერი გამუდმებით განაგრძნობდა ახალი პროდუქტის რეკლამირებას, მართალია მაშინვე ეფექტი არ მოყოლია, სამაგიეროდ 50 წლისთავზე სასმელი უკვე ეროვნული სიამაყის გამოხატულება იყო.
კოკა-კოლა მას შემდეგ უზარმაზარ თანხას ხარჯავს რეკლამაზე და ზოგადად მარკეტინგზე, თითოეული ბოთლიდან მოგების უზარმაზარი პროცენტი, პირდაპირ გათვალისწინებულია რეკლამაზე, მაგრამ ალბათ არცერთი სარეკლამო კამპანია ისეთივე წარმატებული არ ყოფილა, როგორც ნახევრად წმინდანის სიმბოლოს: სანტა-კლაუსის გამოყენება კოკა-კოლის გასარეკლამებლად.
კოკა-კოლა კიდევ უზარმაზარ გზას გაივლის, ის გახდება აშშ-ს ერთ-ერთი ეროვნული სიმბოლო, ისინი დაუშვებენ მარკეტინგის ისტორიაში ყველაზე დიდ შეცდომას, მაგრამ ამაზე მოგვიანებით ახლა კი
Santa & Coke
ცოტა რამ სანტა-კლაუსის შესახებ
სანტა კლაუსი ანუ წმინდა კლაუსი, თითქმის ყველასთვის არის ცნობილი, მაგრამ როგორ წარმოგიდგენიათ ის? რათქმაუნდა მხიარული, მსუქანა, გრძელწვერა მოხუცის სახით, რომელსაც წითელი ქურთუკი აცვია. სწორედ, ასეთი იმიჯის ჩამოყალიბებს შეუწყო ხელი კოკა-კოლამ.
იყო კი ის რელიგიური წმინდანი? არა! საქმე იმაშია, რომ სანტა-კლაუსის პერსონაჟი ჩამოყალიბდა წლების მანძილზე, ის არის წმინდა ნიკოლაუსის და იესო ქრისტეს ბავშვობის შერწყმა, სწორედ წმ. ნიკოლაუსს მიაწერენ საჩუქრების დარიგების ჩვეულებას.
დროთა განმავლობაში ის ამერიკის კულტურის ნაწილად და შობის დღესასწაულის შეუცვლელ სიმბოლოდ იქცა. 1900 იან წლებში ჩამოყალიბდა ყველა ის ფუნქცია რითიც სანტაა ცნობილი, საკვამურიდან ჩაძრომა, დამხმარე ელფები, წითელცხვირა ირმები, მარხილი, ჩრდილოეთ პოლუსი და ა.შ.
უკვე 1927 წელს, ამერიკელებს ჰყავდათ ასეთი ტრადიციული, ზღაპრული გმირი, მაგრამ ის ჯერ კიდევ შორს იყო დღევანდელი სანტას იმიჯისგან, საქმე იმაშია რომ სანტა ხან გამხდარი იყო, ხან სხვადასხვა ფერის ტანსაცმელი ეცვა და ა.შ.
იმ დროს კოკა-კოლა გაფაციცებით ეძებდა გაყიდვების გაზრდის საშუალებას ზამთარში, რადგან ხალხს ღრმად ჩაებეჭდა ტვინში, რომ კოკა-კოლა გამაგრილებელი სასმელი იყო და ამდენად მხოლოდ ცხელ დღეებში თუ გამოდგებოდა.
1922 წელს კოკა-კოლამ დაამტკიცა სლოგანი ”წყურვილმა სეზონი არ იცის” და რადგან D’Arcy Advertising Agency (კომპანია, რომელიც იმ დროს კოკა-კოლასთვის მუშაობდა, მოგვიანებით შეერწყა ”პაბლისის”)- ის აღმასრულებელმა დირექტორმა მოინდომა სანტა-კლაუსი ზრდასრული ადამიანის ზომის და კულტური სიმბოლო გამხდარიყო 1931 წელს დაიქირავეს მიჩიგანელი, ნიჭიერი მხატვარი ჰედონ სანდბლომი, სწორედ მან შექმნა სანტა-კლაუსის თანამედროვე იმიჯის პირველი მონახაზები.
მიუხედავად გავრცელებული აზრისა, წითელი და თეთრი სამოსი სანტასთვის კოკა-კოლას არ გამოუგონია, იმ დროისთვის უკვე არსებობდა სანტას ასეთი ვარიანტი, რათქმაუნდა ნიჭიერმა მხატვარმა შეამჩნია, რომ ასეთი ფერები კოკა-კოლას კორპორატიულ ფერებს ემთხვეოდა და ამიტომაც აირჩია.
იმ დროისთვის ფერადი ტელევიზია და ფერადი ჟურნალ-გაზეთები ახალი ხილი იყო და ამიტომაც კოკა-კოლას მასირებულმა წითელ-თეთრმა, კეთილმა, თეთრწვერა ბაბუამ უზარმაზარი ეფექტი გამოიწვია.
კოკა-კოლამ მკვეთრად გაზარდა გაყიდვები ზამთარში და ეს ძირითადად ბავშვების ხარჯზე მოხდა, მათ ძალიან მოწონდათ და მოსწონთ ლოყებღაჟღაჟა მოხუცი, რომელსაც საჩუქრები მოაქვს.
სანტას იმიჯი ცხადია უმნიშვნელო ცვლილებებს განიცდიდა, მაგრამ იმდენად დიდი იყო მომხმარებლის ყურადღება, რომ პატარა ცვლილებამ სარეკლამო სურათში: სანტას ხელიდან საქორწინო ბეჭდის გაქრობამ, წერილების ზღვა გამოიწვია კოკა-კოლას ოფისში, გაკვირვებული მომხმარებელი კითხულობდა – რა მოუვიდა მისის კლაუსს?
კოკა-კოლამ სანტა კლაუსი ამერიკის ყველაზე ცნობილ კაცად აქცია!
- სერ, კომუნისტებმა მთვარეზე გაფრენა დაგვასწრეს და ახლა მთელ მთვარეს წითლად ღებავენ…
- მერე რა, დაიცადეთ სანამ შეღებავენ და ზედ თეთრად, ”კოკა-კოლა” მიაწერეთ…
ავტორის ვებგვერდი
1,11,2008
ბმული კომენტართან
რა მარკეტინგულ შეცდომაზე საუბრობთ აქ “ისინი დაუშვებენ მარკეტინგის ისტორიაში ყველაზე დიდ შეცდომას, მაგრამ ამაზე მოგვიანებით”
დაწერეტ რა ეგეც, ძალიან საინტერესოა :)
პ.ს.
კაი წამოწყებაა, წარმატებები ;)
ავტორის ვებგვერდი
6,11,2008
ბმული კომენტართან
უსირცხვილოებო…
მთელი პოსტი იმის იმედად წავიკითხე, რომ ბოლოს იქნებოდა ნათქვამი ის დიდი მარკეტინგული შეცდომა მაგრამ ჰა, სარ არის? არ არის :(
ავტორის ვებგვერდი
6,11,2008
ბმული კომენტართან
ეგ შეცდომა ცალკე პოსტის თემაა, რომელიც მალე იქნება გამოქვეყნებული, როგორც კი დავასრულებ ;)
ავტორის ვებგვერდი
1,12,2008
ბმული კომენტართან
დიდი მონდომებით ველი ,,დიდ მარკეტინგულ შეცდომას” :)
ავტორის ვებგვერდი
13,01,2009
ბმული კომენტართან
ხალხნო ეგ შეცდომა იყო, როცა კოკაკოლამ გამოუშვა ”ნიუ კოკა” და ცდილობდნენ ახალ ეტაპზე გადაეყვანათ პროდუქტი, მაგრამ ხალხი აუჯანყდათ რადგან მიიჩნევდნენ რომ ეს მათი ტრადიციული სასმელი იყო და არავის ქონდა მისი შეცვლის და მოდერნიზების უფლება ;)
ავტორის ვებგვერდი
31,01,2009
ბმული კომენტართან
აუ რატომ აგარ წერთ ახალ თემებს???? ის მაინც დაწერეთ სად შეიდზლება ამდაგვარი თემების ნახვა სულაც რუსული ან ინგლისური სიტე იყოს გადმოვთარგმნი და ვნახავ :)
ავტორის ვებგვერდი
6,02,2009
ბმული კომენტართან
ძალიან კმაყოფილი ვარ შენი ბლოგით:)მე პიარ მენეჯერი ვარ და დარწმუნებული ვარ აქ ამოკითხული ინფორმაცია ძალიან გამომადგება, დიდი სიამოვნებით წავიკითხავდი შენს სხვა სტატიებსაც:)მოუთმენლად ველი ახალ პოსტებს:)
ავტორის ვებგვერდი
10,03,2009
ბმული კომენტართან
ძაან საინტერესო საიტია, რამდენადაც გასაკვირი არ უნდა იყოს, დღეს შევედი პირველად, ისე კარგი იქნებოდა მეტი “ნიუსები” რო იყოს
ავტორის ვებგვერდი
20,03,2009
ბმული კომენტართან
გიო, შენი ბლოგის თუ ვებ-გვერდის ბმულის დადება მინდა ჩემს ბლოგზე http://kalatozik.blog.ge/ და თუ ნებას დამრთავ დღესვე ვიზამდი ამას:)
ავტორის ვებგვერდი
27,04,2009
ბმული კომენტართან
ისე ახალი იდეა მომივიდა, ჯერ მოდი პერსონაჯი შევქმნათ ყველასატვის საყვარელი რომელიც ეროვნულ სიამაყეს და სიმბოლოს ცარმოადგენს და ამის შემდეგ შევქმნატ ბრენდი და ამ ჩვენ საყვარელ პერსონაჯს “გავაყიდინოთ”
სანამ გამოვიგონებტ ამ პერსონაჯს შეიძლება ზველების გამოყენებაც მაგ:ნაცარქექია)))
ავტორის ვებგვერდი
1,12,2009
ბმული კომენტართან
კოკა ძაან მაგარიააა !!! ვისაც გსურთ ოდნოკლასსნიკებსში მაქ კოკა კოლას გრუპა და შემოგვიერთდით ;)
ავტორის ვებგვერდი
16,12,2009
ბმული კომენტართან
levani – მოდი პერსონაჯი შევქმნათ ყველასატვის საყვარელი რომელიც ეროვნულ სიამაყეს და სიმბოლოს ცარმოადგენს და ამის შემდეგ შევქმნატ ბრენდი და ამ ჩვენ საყვარელ პერსონაჯს “გავაყიდინოთ”-
რა გავაყიდინოთ ნაცარქექიას? :)
ავტორის ვებგვერდი
2,01,2010
ბმული კომენტართან
როგორ გამოიყენა Coca-Cola – ამ სანტა-კლაუსი …
ადრე მახსოვს საუბარი იყო უცხოეთში თითქოს საახალწლო რეკლამა რომელშიც წითელი ფერი ფიგურირებს უნდა აეკრძალათ. რადგან მსგავსი რეკლამა კოკაკოლას “აპიარებსო” მართლაც ასეა, ვნახოთ როგორ მიაღწია კოკაკოლამ მსგავს შედეგს…
ავტორის ვებგვერდი
18,01,2010
ბმული კომენტართან
გამარჯობათ, მოკლედ იქნებ დამეხმაროთ. რეფერატი მაქვს დასაწერი სარეკლამო საქმიანობის სამართლებლივ საფუძვლებზე და იქნებ შეძლოთ რამე ინფორმაციის მოწოდება
წინასწარ მადლობა
ავტორის ვებგვერდი
15,05,2010
ბმული კომენტართან
რამე ახლი სტატიები დაამატე, კიდევ, მაგარი საიტია.